Ermənistanın Müstəqillik Bəyannaməsi Azərbaycanla sülhə maneədir.

"Report" xəbər verir ki, bunu Ermənistanın baş naziri Nikol Paşinyan ölkənin İctimai Radiosuna müsahibəsində deyib.

"Əgər Ermənistanın dövlət siyasəti Müstəqillik Bəyannaməsinə, Qarabağın Ermənistana birləşdirilməsinə əsaslanırsa, bizdə müharibə olacaq və heç vaxt sülh olmayacaq", - Paşinyan bildirib.

Baş nazir vurğulayıb ki, Ermənistanın qonşuları ilə münasibətləri inkişaf etdirməsi və yaxşılaşması üçün ölkəyə yeni Konstitusiya lazımdır.

Qeyd edək ki, Azərbaycan Prezidenti İlham Əliyev fevralın 1-də Parlamentlərarası İttifaqın Baş katibi Martin Çunqonqla görüşündə deyib ki, Ermənistan Konstitusiyasında və digər normativ hüquqi sənədlərdə dəyişikliklər edildiyi halda sülhə nail oluna bilər.

Ermənistanda bunun tez bir vaxtda həyata keçirilməsinin vacibliyini bildirən dövlət başçısı vurğulayıb ki, hazırda Ermənistanda bu mövzuda ölkədaxili müzakirələrin başlanması müsbət addım kimi qiymətləndirilir və bu, sülh prosesinin tezliklə yekunlaşdırılması üçün yaxşı imkan yarada bilər.

Oxşar xəbərlər

Azərbaycan lideri Ermənistan qarşısında yeni şərt irəli sürüb [xfgiven_updateblue][/xfgiven_updateblue]

Paşinyan Lavrovun açıqlamasını vecinə almadı [xfgiven_updateblue][/xfgiven_updateblue]

ABŞ Dövlət Departamenti: “Azərbaycanla Ermənistan arasında sülh sazişi əldə oluna biləcək məsafədədir” [xfgiven_updateblue][/xfgiven_updateblue]

Prezident İlham Əliyev Parlamentlərarası İttifaqın Baş katibini qəbul edib - YENİLƏNİB [xfgiven_updateblue][/xfgiven_updateblue]

Ölkənin təhlükəsizlik strukturları səmərəsizdir - Paşinyan [xfgiven_updateblue][/xfgiven_updateblue]