“Azərbaycan Respublikasının insan hüquqları üzrə müvəkkili (ombudsman) haqqında” Konstitusiya Qanununa edilən dəyişikliklərə əsasən Ombudsmanın insan hüquq və azadlıqlarının daha səmərəli müdafiəsi sahəsində səlahiyyətləri genişləndirilib.

Bu barədə "Report"a Ombudsman Aparatından məlumat verilib.

Bildirilib ki, təsbit olunmuş səlahiyyətlərə müvafiq olaraq müvəkkilin təşəbbüsü əsasında Ombudsman Aparatında “Əlilliyi olan şəxslərin hüquqları haqqında” Konvensiyanın və “Uşaq hüquqları haqqında” Konvensiyanın həyata keçirilməsi, Bərabərlik hüququnun təmin edilməsi və ayrı-seçkiliyin qarşısının alınması üzrə monitorinq qrupları yaradılıb.

Monitorinq qruplarının yaradılmasında əsas məqsəd Müvəkkilin “Əlilliyi olan şəxslərin hüquqları haqqında” və “Uşaq hüquqları haqqında” konvensiyaların implementasiyasının təşviqi, eyni zamanda, bərabərlik hüququnun təmin edilməsi və ayrı-seçkiliyin qarşısının alınması sahəsində müstəqil monitorinq mexanizmi funksiyalarını həyata keçirməkdən ibarətdir.

Oxşar xəbərlər

Ombudsman Aparatının rəhbəri ATƏT-in plenar sessiyasında Ermənistanın beynəlxalq cinayətlərindən danışıb

Ombudsman ABŞ səfirinə Ermənistanın ətraf mühitə vurduğu ziyan, ekosid cinayətlərindən danışıb