Azərbaycan Milli Məclisinin sədri Sahibə Qafarovanın rəhbərlik etdiyi nümayəndə heyəti Türkiyə Böyük Millət Məclisində (TBMM) olub.

“Report” xəbər verir ki, bu barədə TBMM sədri Numan Kurtulmuş “X”də yazıb.

O bildirib ki, Türkiyə və Azərbaycan “iki dövlət, bir millət” anlayışı ilə bütün sahələrdə olduğu kimi, parlamentlərarası əlaqələrdə də əməkdaşlığı davam etdirir.

N.Kurtulmuş S.Qafarova ilə görüşü barədə bildirib ki, iki ölkə arasındakı əməkdaşlığı, regiondakı durumu müzakirə ediblər.

Onlar bölgədəki problemlərin tədricən həll olunduğunu vurğulayıblar.

“Həmçinin, Türkiyənin bütün platformalarda qardaş Azərbaycanın yanında olduğunu vurğuladıq. Can Azərbaycanla əməkdaşlığımız daim davam edəcək”, - N.Kurtulmuş əlavə edib.

Qeyd edək ki, səfər çərçivəsində S.Qafarovanın rəhbərlik etdiyi nümayəndə heyəti Türkiyə dövlətinin banisi Mustafa Kamal Atatürkün məzarını ziyarət edib.

Oxşar xəbərlər

TBMM sədri: “Bəzi lobbilər Azərbaycanın qələbəsinə kölgə salmaq üçün kampaniya aparırlar”

Cevdet Yılmaz: "Azərbaycanla Türkiyə beynəlxalq platformalar çərçivəsində əməkdaşlığı genişləndirməyə davam edəcək"

Qafarova Gürcüstan parlamentinin sədri ilə görüşdü

Hakan Fidan: “Azərbaycan və Ermənistan arasında sülhün əldə olunması imkanını alqışlayırıq”

Azərbaycan və İraq prezidentlərinin müzakirə etdiyi məsələlər açıqlanıb