Azərbaycan və Ermənistan arasında əldə edilmiş böyük irəliləyişi alqışlayırıq.

Trend-in cümə axşamı verdiyi məlumata görə, bu barədə Aİ Şurasının prezidenti Şarl Mişel "X" sosial şəbəkəsindəki səhifəsində yazıb.

"Xüsusən, biz hərbçilərin azad edilməsini alqışlayırıq. Tərəflər arasında ikitərəfli dialoqun qurulması və dərinləşdirilməsi Aİ-nin rəhbərlik etdiyi Brüssel prosesinin əsas məqsədi idi. Bugünkü irəliləyiş böyük addımdır. Mən liderləri tezliklə sülh sazişi bağlamağa çağırıram”, – deyə o bildirib.

Qeyd edək ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində iki ölkə arasında etimad quruculuğu istiqamətində ciddi addımların atılmasına dair razılıq əldə olunub.

Humanizm dəyərlərini rəhbər tutaraq və xoşməramlı addım olaraq, Azərbaycan Respublikası 32 erməni hərbçini azad edir.

Ermənistan Respublikası öz növbəsində humanizm dəyərlərini rəhbər tutaraq və xoşməramlı addım olaraq, 2 azərbaycanlı hərbçini azad edir.

Xoş niyyətin təzahürü olaraq, Ermənistan Respublikası BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürərək, Azərbaycan Respublikasının namizədliyini dəstəkləyir. Azərbaycan Respublikası və Ermənistan Respublikası ümid edirlər ki, Şərqi Avropa Qrupuna daxil olan digər ölkələr də Azərbaycanın namizədliyini dəstəkləyəcək. Xoş niyyətin təzahürü olaraq, Azərbaycan Respublikası Ermənistanın Şərqi Avropa Qrupundan COP-un Büro üzvlüyünə namizədliyini dəstəkləyir.

Azərbaycan Respublikası və Ermənistan Respublikası yaxın gələcəkdə əlavə etimad quruculuğu tədbirlərinin həyata keçirilməsi üçün müzakirələri davam etdirəcəklər və beynəlxalq ictimaiyyəti iki ölkənin qarşılıqlı etimadın yaradılmasına töhfə verəcək, bütün Cənubi Qafqaz regionuna müsbət təsir göstərəcək səylərini dəstəkləməyə çağırırlar.

Oxşar xəbərlər

Azərbaycan Prezident Administrasiyası və Ermənistan Baş nazirinin Aparatı birgə açıqlama yayıb [xfgiven_updateblue][/xfgiven_updateblue]

Borel Azərbaycanla Ermənistan arasında əldə olunmuş razılığı alqışlayıb [xfgiven_updateblue][/xfgiven_updateblue]

Türkiyə XİN Azərbaycan və Ermənistan arasında əldə olunmuş razılığı alqışlayıb [xfgiven_updateblue][/xfgiven_updateblue]

ABŞ Azərbaycan və Ermənistanın birgə açıqlamasını alqışlayır - Dövlət Departamenti [xfgiven_updateblue][/xfgiven_updateblue]

Bakı ilə İrəvan razılaşdı: Hərbçilər qarşılıqlı surətdə azad edilir! [xfgiven_updateblue][/xfgiven_updateblue]