Cennifer Lopez və Ben Afflek boşanır

Cennifer Lopez və Ben Afflekin evliliklərini düzəltmək cəhdi uğursuzluqla nəticələnib və cütlük boşanmağa doğru irəliləyir.

Sizinxeber.az xəbər verir ki, bu barədə “The Daily Mail” məlumat dərc edib.

Məlumata görə, cütlüyün boşanma sənədləri "hazırdır, lakin hələ təqdim edilməyib".

Bu xəbər, Lopezin 55-ci doğum günündə, iyulun 24-də Afflekin Pacific Palisadesdə 20,5 milyon dollara yeni "subay evi" almasından sonra gəlib. Lopezin dostları Afflekin ad günündə sürpriz olaraq subay evinə köçməsini "ürəyə zərbə” adlandırıb.

"Onlar boşanma sənədlərini bir ay əvvəl yekunlaşdırdılar, lakin uyğun vaxtı gözləyirlər. Onlar bir-birlərini nə qədər sevdiklərini və bunun işə yaraması üçün necə mübarizə apardıqlarını, lakin bacara bilmədiklərini söyləyən birgə bəyanat verəcəklər", - deyə cütlüyə yaxın mənbə bildirib.

Sizinxeber.az