Caliber.az saytının baş redaktor müavini, jurnalist Bəhram Batıyev Report Media Məktəbinin tələbələri ilə görüşdə redaksiyada çalışan əməkdaşların qarşılıqlı münasibətlərindən danışıb.

“Report” xəbər verir ki, B.Batıyev jurnalistikada müxbir və redaktorun birgə işinin əhəmiyyətini vurğulayıb.

“Redaktor sizin ilk oxucunuzdur. Əgər təqdim edilən yazıdan narazı qalarsa, deməli yol verilən səhvləri araşdırmağa dəyər. Xəbəri qısa, dəqiq və yığcam hazırlamaq tələb olunur. Həm də sosial şəbəkəyə meyillənmək və xəbərin istiqamətini təyin etmək lazım gəlir. Şübhə yeri varsa, bunu mətbuatda dərc eləmək gərək deyil”, - jurnalist bildirib.

Baş redaktorun müavini jurnalistin maksimal dərəcədə gücünü işə yönəltməli olduğunu qeyd edib:

“Jurnalistin bilinən iş qrafiki olmur, həmişə aktiv olmaq gərəkdir, çünki məlumatı əldə etmək üçün xeyli hərəkət etməlisən. 44 günlük müharibə dövründə evə cəmi bir neçə dəfə gedə bilmişəm. Çox vaxt xəbər axını səbəbindən redaksiyada gecələməli olurdum”.

Bəhram Batıyev 1978-ci ildə Bakıda anadan olub. 1999-2003-cü illərdə Azərbaycan Beynəlxalq Universitetinin (ABU) jurnalistika fakültəsində təhsil alıb. 2002-ci ildə “Naş vek” qəzetində jurnalist fəaliyyətinə başlayıb. 1news.az-da redaktor, vesti.az-da jurnalist, armiya.az-da redaktor vəzifələrində çalışıb. 2021-ci ildən Caliber.az saytında baş redaktorun müavinidir.

2020-ci ildə “Tərəqqi” medalı ilə təltif olunub.

Oxşar xəbərlər

Tanınmış yazıçı-jurnalist Hidayət Elvüsal vəfat edib

Naxçıvanın rəsmi qəzetinə baş redaktor təyin olunub

Məhbus mübadiləsi barədə xəbər verən jurnalist İŞDƏN ÇIXARILDI

Erməniəsilli rusiyalı sabiq redaktorun adı terrorçu siyahısına salınıb

AZƏRTAC vakansiya elan edib