Ötən gün beyninə qansızması nəticəsində vəfat edən Azərbaycan SSR Xalq artisti, SSRİ Dövlət mükafatı laureatı, balet ustası Tamilla Şirəliyeva bu gün İkinci Fəxri xiyabanda torpağa tapşırılacaq.

Bu barədə Oxu.Az-a onun yaxınları məlumat veriblər.

Qeyd olunub ki, Xalq artisti ilə vida mərasiminin bu gün saat 10:30-dan 12:00-a qədər Təzəpir məscidində keçirilməsi nəzərdə tutulub.

"Tamilla xanımın həyat yoldaşı çoxdan dünyasını dəyişib. Teymur adlı bir oğlu var. Təəssüf ki, anasının dəfnində iştirak edə bilməyəcək. Çünki ABŞ-də yaşayır. Sənədlərində yaranan problemlə bağlı dəfndə iştirakı mümkün olmayıb", - deyə yaxını bildirib.

Xatırladaq ki, Tamilla Xudadat qızı Şirəliyeva 8 dekabr 1946-cı ildə Bakı şəhərində anadan olub. O, ötən gün 79 yaşında vəfat edib.

Oxşar xəbərlər

Xalq artisti Tamilla Şirəliyevanın dəfn ediləcəyi yer açıqlanıb

Balet ustası Tamilla Şirəliyeva vəfat edib

Xalq artisti Şahlar Quliyev dəfn olunub - FOTO

Xalq artisti Ramiz Məlikin dəfn olunacağı yer açıqlandı

Xalq artisti Ramiz Məlik II Fəxri xiyabanda dəfn olunacaq