Microsoft şirkəti Windows 11-in Start menyusundakı məsləhət xarakterli bölməni genişləndirmək qərarına gəlib. Belə ki, Windows 11-in test versiyasının istifadəçiləri üçün artıq genişləndirilmiş məsləhətlər təqdim edilməyə başlayıb. Şirkət öz əməliyyat sisteminin Start menyusunda istifadəçinin baxış tarixçələri əsasında ona maraqlı ola biləcək veb resursları məsləhət görməyə başlayıb. Həmin məsləhətlər qeyd edilmiş veb resurslara linklər şəklində təqdim olunur.

Məlumatda qeyd edilib ki, bu yeni özəllik istifadəçi üçün vacib olan veb resursları ona sürətli şəkildə təqdim etmək istiqamətində reallaşdırılıb. Adətən istifadəçilər mütəmadi şəkildə daxil olduqları veb resursları brauzerin qovluqlarına əlavə edirlər. Lakin Microsoft-un fikrincə həmin veb resurslar həmçinin əməliyyat sisteminin Start menyusunda da əks olunmalıdır. İstifadəçi öz istəyinə uyğun olaraq bu imkanı əməliyyat sisteminin ayarlarında deaktiv edə biləcək. Funksiyanın yaxın zamanda stabil Windows 11-də istifadəyə veriləcəyi gözlənilir.

Oxşar xəbərlər

Microsoft Windows 12-nin veb versiyası üzərində çalışır

Bağça müəllimlərinin işə qəbulu üzrə müsabiqənin test imtahanı keçirilir

Redmi Note 13 Pro-nun hansı prosessora sahib olacağı rəsmi şəkildə məlum oldu

Xankəndidəki “Qarabağ”- MOİK matçının start heyəti açıqlanıb

BŞTİ-də yeni kadr TƏYİNATI