Azərbaycan Nəqliyyat və Kommunikasiya Holdinqinin (AZCON) icraçı direktoruna müşavir təyin edilib.

"Sizinxeber.az-Economics"in sorğusuna cavab olaraq AZCON-dan bildirilib ki, bu vəzifə Aysel Vaqif qızı Soltanovaya həvalə edilib.

Qeyd edək ki, A.Soltanova 1986-cı ildə anadan olub. Azərbaycan Dillər Universitetində Amerikaşünaslıq üzrə bakalavr, Mərkəzi Avropa Universitetində İctimai siyasət üzrə magistratura təhsili alıb. Hazırda təhsilini İngiltərənin York Universitetində Biznes administrasiyası (MBA) ixtisası üzrə davam etdirir.

O, əmək fəaliyyətinə “BP” şirkətində başlayıb, daha sonra Beynəlxalq Əmək Təşkilatında fəaliyyət göstərib. 2011-2023-cü illərdə “Procter & Gamble”, “Azərkosmos” və “Aztelekom” kimi şirkətlərdə müxtəlif rəhbər vəzifələrdə çalışıb. 2023-cü ilin yanvarından son təyinata qədər “Azərbaycan Dəmir Yolları” QSC sədrinin müşaviri olub.

Oxşar xəbərlər

AZCON-da daha 2 departamentə direktor təyin edilib

AZCON-un Kommunikasiya şöbəsinə rəhbər təyin edilib

"Bakı Metropoliteni" sədrinə müşavir təyin edilib

Üç kollecə direktor təyin edilib

Rəqəmsal inkişaf və nəqliyyat nazirinə yeni müşavir təyin edilib