Bu il ABŞ-ın “Apple” texnologiya şirkəti ilə əməkdaşlıq çərçivəsində Azərbaycanda Təlim-Tədris və Sertifikasiya Mərkəzi yaradılacaq.

“Report” xəbər verir ki, bu barədə İqtisadiyyat Nazirliyi yanında Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov 2024-cü ilin yekunlarına həsr olunmuş mətbuat konfransında bildirib.

Onun sözlərinə görə, mərkəzdə tələbələrə “Apple” şirkətinin əməliyyat sistemləri və proqram təminatı öyrədiləcək: “Bu biliklər rəqəmsallaşma prosesinə mühüm töhfə verəcək. Təlim prosesindən keçənlərə beynəlxalq səviyyədə fəaliyyət göstərmək üçün imkanlar yaradılacaq”.

F. Cəfərov əlavə edib ki, gələn ildən ölkə ərazisində bu mərkəzin filialları yaradılacaq.

Oxşar xəbərlər

Fariz Cəfərov: Azərbaycanda bu il sənaye sahəsində 4.0 Mərkəzi yaradılacaq

4SİM-in icraçı direktoru: "Azərbaycanda rəqəmsal transformasiya əmək məhsuldarlığını 30 %-dək artıracaq"

Fariz Cəfərov: "Rəqəmsal İqtisadiyyatın İnkişafı üzrə Strategiyanın icrasına 2025-ci ildə başlanılacaq"

Fariz Cəfərov: "Süni intellektin tətbiqinin genişlənməsi yeni ixtisasların yaranmasına səbəb olacaq"