MV Hondius kruiz gəmisində baş verən Andes Hantavirusu koronavirus deyil və ona yoluxma riski azdır.

"Sizinxeber.az" xəbər verir ki, bu barədə Ümumdünya Səhiyyə Təşkilatının Baş direktoru Tedros Adhanom Qebreyesus bildirib.

"Bu xəstəlik COVID deyil və biz, ÜST olaraq, bunu dəfələrlə bildirmişik. Bunu yüngül qəbul etmirik", - deyə o əlavə edib.

Onun sözlərinə görə, koronavirus pandemiyası bütün dünyaya təsir etdiyindən, dünya ictimaiyyətinin gəmi ilə bağlı narahatlığı tamamilə haqlıdır: "Bu travma hələ də yaddaşımızda təzədir, amma vəziyyət indi daha yaxşıdır".