Salyan rayonunda baş verən qəzada xəsarət alanların vəziyyətləri açıqlanıb.

Bu barədə "Report"un Aran bürosuna Salyan Rayon Mərkəzi Xəstəxanasından məlumat verilib.

Qeyd olunub ki, yol-nəqliyyat hadisəsi səbəbilə 13.04.2026-cı il tarixində saat 19:20 radələrində 5 nəfər (4 kişi, 1 qadın) Salyan Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müvafiq şöbələrdə müalicələri davam etdirilən şəxslərin vəziyyətləri orta ağır qiymətləndirilir", - xəstəxanadan bildirilib.

20:24

Salyan rayonunda yol-nəqliyyat hadisəsi baş verib.

"Report"un Aran bürosunun məlumatına görə, hadisə Ələt-Astara magistral yolunun 52-ci kilometrliyində, yolun rayon ərazisindən keçən hissəsində qeydə alınıb.

Belə ki, hərəkətdə olan iki "Mersedes" markalı avtomobil toqquşub. Qəza nəticəsində Lənkəran rayon sakinləri - 1980-ci il təvəllüdlü Bədəlova Vüsalə Səməd qızı, 1972-ci il təvəllüdlü Bədəlov Rəfail Əvəz oğlu, 2002-ci il təvəllüdlü Bədəlov Həsən Rəfail oğlu, 1967-ci il təvəllüdlü Axundov Elşən Şəmsəddin oğlu və Cəbrayıl rayon sakini - 1959-cu il təvəllüdlü İsmayılov Füzuli Ramazan oğlu müxtəlif dərəcəli xəsarətlər alıblar.

Onlar Salyan Rayon Mərkəzi Xəstəxanasına çatdırılıb.

Faktla bağlı araşdırma aparılır.

Oxşar xəbərlər

Salyanda avtomobil aşıb, bir ailənin dörd üzvü xəsarət alıb, vəziyyətləri orta ağırdır - YENİLƏNİB

Salyanda iki avtomobil toqquşub, beş nəfər xəsarət alıb

Cəlilabadda avtomobilin kanala aşması nəticəsində xəsarət alanların son durumu açıqlanıb - YENİLƏNİB

İmişlidə avtoqəzada xəsarət alan altı nəfərin vəziyyəti açıqlanıb - YENİLƏNİB

Salyanda avtomobil aşıb, xəsarət alan var