Xırdalan sakininin başına iş gəlib.

Bu barədə məlumat Sizinxeber.az-in "qaynar xətti"nə daxil olub.

Şikayətçi iddia edir ki, Xırdalanda icra tərəfindən salınan parkın işıqlandırılması 27-ci məhəllə ev 1B mənzil 45 ünvanının sayğacına qoşulub. 

Nəticədə də ev sahibi 5 ay ərzində işıqpuluna qat-qat artıq pul ödəməli olub:

"Mən adi vaxtlarda ay ərzində işığa 10 manat pul ödəyirdim, lakin son 5 aydır ki işıq kartımızda pul tez-tez bitirdi. Vəziyyətdən şübhələnsəm də ağlıma heç nə gəlmirdi. Demək olar hər ay 60-70 manat işıqpulu ödəyirdim. Nəhayət bu gün “Azərişıq”a müraciət etdikdən sonra sayğaca baxış keçirildi, məlum oldu ki, yaxınlıqdakı parkın işıqlandırması mənim mənzilimin sayğacına qoşulubmuş. Belə çıxır ki, 5 aydır parkın işıqpulunu mən ödəyirmişəm".

Məsələ ilə bağlı Abşeron Rayon İcra Hakimiyyətinə sorğu ünvanlamışıq. Məlumat veriləcəyi təqdirdə xəbər yenilənəcək.

Sizinxeber.az

Oxşar xəbərlər

Bakıda qaz sayğacını sındıran gənclərin axtarışına başlanılıb - VİDEO

Milli Parkın ərazisində qanunsuz ov edən saxlandı

Yellouston parkında güclü hidrotermal partlayış baş verib

Bakıda Xaqani bağının ətrafında nəqliyyatın hərəkəti məhdudlaşdırılıb

Göyçayda icra başçısı haqqında iddialar səsləndirən şəxs cəzalandırıldı