Ekologiya və Təbii Sərvətlər Nazirliyi (ETSN) işçilərinin peşə bayramı günü ilə əlaqədar nazirliyin kollektivi Fəxri Xiyabanı ziyarət edərək Ümummilli Lider Heydər Əliyevin xatirəsini ehtiramla yad edib, məzarı önünə əklil qoyub.

Bu barədə "Sizinxeber.az"a ETSN-dən məlumat verilib.

Həmçinin görkəmli oftalmoloq-alim, akademik Zərifə Əliyevanın məzarı ziyarət olunub, önünə gül dəstələri düzülüb.

Daha sonra Hərbi Memorial Məzarlıqda ölkəmizin müstəqilliyi, ərazi bütövlüyü uğrunda canından keçən şəhidlərin əziz xatirəsi anılıb, məzarları üzərinə gül dəstələri qoyulub.

Eyni zamanda, Nazirliyin rəsmilərinin və əməkdaşlarının iştirakı ilə Müşfiqabad qəsəbəsində keçirilən ağacəkmə aksiyasında Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

Sonda Ekologiya və Təbii Sərvətlər Nazirliyinin inzibati binasında keçirilən tədbirdə ətraf mühitin mühafizəsi sahəsində fərqlənən əməkdaşlara fəxri fərmanlar təqdim olunub.

Oxşar xəbərlər

XİN rəhbərliyi Fəxri xiyabanı ziyarət edib

Latviya Prezidenti Heydər Əliyevin məzarını ziyarət edib

Türkiyə Ali Məhkəməsi sədrinin başçılıq etdiyi nümayəndə heyəti Fəxri və Şəhidlər xiyabanlarını ziyarət edib

Ədliyyə Nazirliyinin kollektivi Ulu Öndər Heydər Əliyevin məzarını ziyarət edib

Konstitusiya Məhkəməsinin kollektivi Fəxri xiyabanda Ulu Öndərin məzarını ziyarət edib