Azərbaycan Prezidenti İlham Əliyevin Sərəncamı ilə respublikada elan olunan “Yaşıl dünya naminə həmrəylik ili” çərçivəsində Dini Qurumlarla İş üzrə Dövlət Komitəsinin “Yaşıl gələcək naminə” aksiyası avqustun 2-də Gəncə, Daşkəsən, Samux, Naftalan, Göygöl və Goranboyda yerləşən dini ibadət yerlərində keçirilib.

Bu barədə "Sizinxeber.az"a Dini Qurumlarla İş üzrə Dövlət Komitəsindən məlumat verilib.

Bildirilib ki, müxtəlif konfessiyalara mənsub dini icma üzvləri, din xadimləri və könüllü ictmaiyyət nümayəndələrinin iştirak etdiyi aksiyada məscid, kilsə və ziyarətgahların ətrafında abadlıq, yaşıllaşdırma işləri aparılıb.

Qeyd edək ki, “Yaşıl gələcək naminə” aksiyası cəmiyyətdə ekoloji maarifləndirmə səviyyəsinin yüksəldilməsinə, ətraf mühitin və ictimai məkanların abadlaşdırılmasına töhfə verməklə yanaşı, müxtəlif konfessiyalara mənsub dini icma üzvlərini ümummilli məsələ ətrafında birləşdirmək, ictimaiyyətin diqqətini ətraf mühitin sağlamlaşdırılmasına, yaşıllıqların artırılmasına yönəltmək məqsədi daşıyır.

Oxşar xəbərlər

“Yaşıl gələcək naminə” adlı yaşıllaşdırma aksiyası davam etdirilir

Dini Qurumlarla İş üzrə Dövlət Komitəsinin sədri vəzifəsini kim icra edəcək?

Dini təhsili olmayanlar məscidlərdən uzaqlaşdırılır

Bu komitə sədri də yola salındı

Gənclər Fondu “Yaşıl dünya naminə həmrəylik ili" ilə bağlı müsabiqə elan edəcək