Laçının Bəylik kəndinə növbəti köç karvanı yola salınıb

Bu gün Laçının Bəylik kəndinə növbəti köç karvanı yola salınıb.

APA xəbər verir ki, Bəylik kəndinin sakinləri uzun ayrılıqdan sonra doğma kəndlərinə yola düşüblər.

Keçmiş məcburi köçkün Quliyeva Xatirə köçlə bağlı bunları deyib: “33 yaşında çıxmışdım Bəylikdən. İndi övladlarımla qayıdıram. Oranın hər daşı, hər qayası mənə əzizdir. Qayıdıb doğma yurdumda yaşamaq istəyirəm. Allah prezidentimizə can sağlığı versin.”