Ədliyyə Nazirliyinin Probasiya xidməti və Bakı Dövlət Universiteti (BDU) arasında əməkdaşlıq haqqında Memorandum imzalanıb.

Nazirlikdən APA-ya verilən məlumata görə, sənədi Probasiya xidmətinin rəisi Vüqar Ağayev və Bakı Dövlət Universitetinin rektoru Elçin Babayev imzalayıb.

Bildirilib ki, memorandumun imzalanmasında məqsəd əməkdaşlıq, qarşılıqlı fəaliyyət və birgə layihələr vasitəsilə probasiya nəzarətində olan şəxslərin sosial-psixoloji xidmət sahəsində dəstəklənməsi və reabilitasiyasının həyata keçirilməsidir.

Memoranduma əsasən probasiya qeydiyyatında olan şəxslərə sosial-psixoloji xidmət göstərilməsi prosesinə könüllülərin fəal şəkildə cəlb olunması, maarifləndirici tədbirlərin və seminarların təşkili, müvafiq sahələrdə qabaqcıl elmi-tədris, praktiki metodların tətbiqi üzrə dərs vəsaitlərinin hazırlanması, araşdırmaların və qarşılıqlı maraq doğuran digər işlərin aparılması ilə bağlı universitet və xidmət arasında əməkdaşlıq nəzərdə tutulur.

Qeyd edək ki, tədbirdə, həmçinin BDU-nun rəhbərliyinə və professor-müəllim heyətinə Probasiya xidmətində könüllülük fəaliyyətinin dəstəklənməsi, habelə probasiya sahəsində aparılan işlər barədə ətraflı məlumat verilib.

Oxşar xəbərlər

Ədliyyə Nazirliyi ilə Azərbaycan Universiteti əməkdaşlıq memorandumu imzalayıb

Probasiya qeydiyyatında olan şəxslərə pulsuz hüquqi yardım göstərilib

Mediatorlar üçün bərpaedici ədliyyə ilə bağlı təlimlərə başlanılıb

Azərbaycanla Gürcüstan arasında probasiya sahəsində əməkdaşlıq müzakirə edilib - FOTO

Azərbaycan və Türkiyə ədliyyə nazirlikləri arasında memorandum imzalanıb