"Hazırda FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin nəzarət həyata keçirdiyi ümumilikdə 75 çimərlik var".

Sizinxeber.az xəbər verir ki, bunu çimərlik mövsümünə hazırlıqla bağlı Mərdəkanda yerləşən çimərliyə təşkil etdiyi media-turda FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi daxili xidmət polkovnik-leytenantı Akşin Əlili deyib.

Qeyd olunub ki, xidmətin nəzarət etdiyi çimərliklərdə və İDEA İctimai Birliyinin təşəbbüsü ilə yaradılmış ictimai çimərliklərdə dalğıclar vasitəsi ilə sualtı müayinələr, sualtı təmizləmə işləri aparılır: "Dənizdə üzmə sərhədlərini müəyyən edən nişanların və çimərlikdə istirahət edən vətəndaşların təhlükəsizlik qaydaları ilə bağlı məlumatlandırılması üçün maarifləndirici lövhələr quraşdırılır, Xidmətin balansında olan xilasetmə texnika və vasitələr, o cümlədən dalğıc-axtarış əməliyyatlarında istifadəsi nəzərdə tutulmuş avadanlıqlar işlək vəziyyətə gətirilir".

Bildirilib ki, bütün təhülksəzilik tədbirləri iyun ayının 15-dək yekunlaşacaq və iyunun 15-dən etibarən Xidmət gücləndirilmiş iş rejimində fəaliyyət göstərəcək.

Oxşar xəbərlər

FHN çimərlik mövsümünə hazırlıqla bağlı media-tur təşkil edib - FOTO

Dövlət Xidməti 75 çimərliyə nəzarət edir 

Gəmilərin istismarı ilə əlaqədar nəzarət tədbirləri həyata keçirilib

Kiçikhəcmli gəmilərə texniki baxış keçirilib

Samuxda süni sututarda 1 nəfər batıb - YENİLƏNİB