2025-ci il aprel ayının 1-nə Azərbaycanda bank olmayan kredit tәşkilatları (BOKT) tərəfindən milli valyutada verilən istehlak kreditləri üzrə orta faiz dərəcəsi 35% təşkil edib.

Bu barədə “Sizinxeber.az-Economics” Azərbaycan Mərkəzi Bankı istinadən xəbər verir.

Qeyd edək ki, bu faiz dərəcəsi gündәlik (qısamüddәtli), yaşayış sahәsinin alınması vә tikintisinә verilmiş kreditlәrə aid edilmir.

Xatırladaq ki, AMB tərəfindən açıqlanan “Mikromaliyyə Modeli üzrə Strateji Çərçivə” sənədində göstərilib ki, BOKT-ların maliyyələşmə xərcləri banklara nəzərən daha yüksəkdir:

“2024-cü ilin sonuna BOKT-lərin öhdəliklərinin 155 mln. manatı bank kreditləri vasitəsilə maliyyələşdirilib ki, bu da cəmi öhdəliklərin 48%- ni təşkil edib. Bank kreditlərinin həcmi 2024-cü ilin sonuna ötən ilin müvafiq dövrü ilə müqayisədə 13% (18.4 mln manat) artıb.

Bank kreditləri bütünlüklə rezident banklardan cəlb edilib. Habelə, banklar tərəfindən ayrılmış kreditlərin 8.1 mln. manatı xarici valyutada olub.BOKT-ların milli valyutada cəlb edilmiş bank kreditləri üzrə orta çəkili faiz dərəcəsi 11.5%, habelə qiymətli kağızlar üzrə analoji göstərici rezident və qeyri- rezidentlər üzrə müvafiq olaraq 15% və 13% olmuşdur ki, bu da bankların maliyyələşmə xərclərinə nəzərən daha yüksəkdir”- sənəddə qeyd edilib.

Oxşar xəbərlər

BOKT-lar tərəfindən verilən istehlak kreditləri üzrə orta faiz dərəcəsi açıqlanıb

AMB: BOKT-ların maliyyələşmə xərcləri banklara nəzərən daha yüksəkdir

Azərbaycanda istehlak kreditləri üzrə orta faiz dərəcələri açıqlanıb

Azərbaycanda avtomobil kreditləri bahalaşıb

Azərbaycanda BOKT-ların kredit portfelinin tərkibi açıqlanıb