Naxçıvan Muxtar Respublikasında Maliyyə Forumu keçiriləcək

"Sizinxeber.az"un yerli bürosu xəbər verir ki, dekabrın 18-də Naxçıvan şəhərində Naxçıvan Muxtar Respublikasının 100 illik yubileyinə həsr olunmuş Maliyyə Forumu təşkil ediləcək.

Forum muxtar respublikanın Maliyyə Nazirliyinin təşkilatçılığı ilə baş tutacaq.

Forumun keçirilməsinin əsas məqsədi mühasibat uçotunun beynəlxalq standartlara uyğunlaşdırılması, vergi münasibətlərinin səmərəliliyinin artırılmasının konkret aspektlərinin vacibliyini nəzərə alaraq bu sahədə maarifləndirmə və məlumatlandırmadan ibarətdir.

Forum Azərbaycanın və muxtar respublikanın bir sıra mərkəzi icra hakimiyyəti orqanlarının rəhbərləri, Naxçıvan Muxtar Respublikasının hökumət nümayəndələri və onların maliyyə-mühasibatlıq üzrə məsul şəxsləri ilə baş tutacaq.

Həmçinin Maliyyə Forumu muxtar respublikada fəaliyyət göstərən iri sahibkarlıq subyektlərinin rəhbərləri və onların maliyyə-mühasibatlıq üzrə məsul şəxsləri və digər mütəxəssislərin iştirakı ilə keçiriləcək.

Oxşar xəbərlər

Naxçıvanda maliyyə forumu keçiriləcək

Naxçıvanda bilyard üzrə muxtar respublika birinciliyi keçiriləcək