“Azərbaycan Dəmir Yolları” QSC (ADY) Çin Xalq Respublikasının Sian və Çendu şəhərlərində yerləşən quru limanlarının fəaliyyəti və infrastruktur imkanları ilə tanış olub.

"Report" bu barədə ADY-yə istinadən xəbər verir. Tanışlıq cəmiyyətin sədr müavini Arif Ağayevin rəhbərlik etdiyi nümayəndə heyətinin Çin Xalq Respublikasına işgüzar səfəri çərçivəsində baş tutub.

Səfər çərçivəsində ADY nümayəndələri, həmçinin limanlarda həyata keçirilən müasir logistika həlləri ilə tanış olub, liman rəhbərlikləri ilə görüşlər keçirib.

Görüşlərdə Orta Dəhlizə yüklərin cəlb edilməsi, logistika imkanlarının genişləndirilməsi və qarşılıqlı əməkdaşlıq perspektivləri müzakirə edilib.

Qeyd edək ki, Sian və Çendu Çinin qərbində yerləşən iki əsas nəqliyyat və iqtisadi mərkəzdir. Bu şəhərlər Orta Dəhliz vasitəsilə Çinlə Avropa arasında ticarət və logistika əlaqələrinin inkişafında mühüm rol oynayır.

Oxşar xəbərlər

Bu ilin əvvəlindən Çin Orta Dəhlizlə Avropaya 280 konteyner qatarı göndərib

Azərbaycan 4 ayda Çindən 165 blok-qatar qəbul edib

Azərbaycan Çin şirkətləri ilə Orta Dəhlizin ötürücülük qabiliyyətinin artırılmasını müzakirə edib

KTZ: Bu ilin əvvəlindən Orta Dəhlizlə 300-cü konteyner qatarı yola salınıb

Yaponiyalı nazir: "Orta dəhlizin potensialını öyrənməkdə maraqlıyıq"