Aİ-nin 18-ci sanksiya paketinin razılaşdırılmasından sonra neft bahalaşıb

Dünya bazarında neftin qiymətləri bu gün Avropa İttifaqı (Aİ) 18-ci sanksiya paketinin razılaşdırılmasından sonra 1 % artıb.

"Sizinxeber.az" xəbər verir ki, bunu ticarət məlumatları təsdiqləyir.

“Brent” markalı neftin sentyabr fyuçerslərinin qiyməti 0,85 % artaraq 1 barel üçün 70,11 ABŞ dolları, WTI markalı neftin avqust fyuçerslərinin qiyməti isə 1,04 % artaraq 68,25 ABŞ dolları təşkil edib.

Aİ Şurası cümə günü Rusiyaya qarşı yeni, 18-ci sanksiya paketini təsdiqləyib, neftin qiymət tavanının dəyişdirilməsi üçün avtomatik mexanizmin tətbiq olunduğunu elan edib. Həmçinin Aİ neftin maksimum qiymətini 60 ABŞ dollarından 47,6 ABŞ dollarına endirib.