Avstriyanın paytaxtı Vyanada yerləşən məşhur Hofburq sarayında OPEC-in 9-cu Beynəlxalq Seminarı keçirilir.

"Report" xəbər verir ki, tədbirdə Azərbaycandan olan nümayəndə heyəti də iştirak edir.

Seminarın mövzusu “Birlikdə yol xəritəsi cızaraq: qlobal enerjinin gələcəyi”dir. İki gün ərzində enerji sənayesinin inkişafına həsr olunmuş 12 sessiya keçiriləcək.

Birinci gün seminar iştirakçıları neft bazarının vəziyyəti və onun perspektivləri, qlobal enerji sənayesinin maliyyələşdirilməsi, inkişaf etməkdə olan ölkələrdə enerji yoxsulluğunun aradan qaldırılması məsələlərini müzakirə edəcəklər.

Seminarın ikinci günü BMT-nin İqlim Dəyişikliyi üzrə Çərçivə Konvensiyasının Tərəflərin Konfransına həsr olunmuş sessiya ilə başlayacaq. Tədbirdə Azərbaycan Prezidentinin iqlim məsələləri üzrə nümayəndəsi, COP-29-un prezidenti Muxtar Babayev və Braziliya Xarici İşlər Nazirliyinin İqlim, Enerji və Ətraf Mühit üzrə katibi, COP-30-un prezidenti Andre Korrea iştirak edəcək.

Bundan əlavə, seminarın ikinci günündə OPEC-in neft bazarı üzrə uzunmüddətli proqnozuna həsr olunmuş sessiya keçiriləcək. Bu hesabat ənənəvi olaraq ildə bir dəfə dərc olunur. Onu OPEC-in Baş katibi təqdim edəcək. Seminar iştirakçıları digər sessiyalarda da davamlı inkişaf və enerji sektorunda yeni texnologiyaların tətbiqi məsələlərini müzakirə edəcəklər.

Oxşar xəbərlər

Muxtar Babayev Avstraliyanın energetika naziri ilə COP29-da iqlim maliyyələşdirilməsini müzakirə edib

COP30 prezidenti: Braziliya bərpa olunan enerji mənbələri sahəsində yeni sənayeləşməyə çatmağı planlaşdırır

Pərviz Şahbazov OPEC-in beynəlxalq seminarında iştirak edəcək

Pərviz Şahbazov OPEC-in seminarında iştirak edəcək

Azərbaycan BMT-nin qlobal konfransının vitse-prezidenti seçilib