Bu gündən Azərbaycandan dəmir yolu ilə daşınan tranzit yüklər yol vergisindən azad edilib.

“Sizinxeber.az” xəbər verir ki, bununla bağlı Vergi Məcəlləsində edilmiş dəyişiklik qüvvəyə minib.

Dəyişikliyə əsasən, xarici dövlətlərin yük avtomobilləri, qoşqulu və yarımqoşqulu avtonəqliyyat vasitələri ilə yüklər digər dövlətin ərazisindən Azərbaycandakı müvafiq icra hakimiyyəti orqanının müəyyən etdiyi ilk dəmir yolu stansiyasına ən yaxın gömrük sərhəd buraxılış məntəqəsindən keçirilməklə daşındıqda 2 il müddətinə yol vergisindən azad edilir.

Bundan başqa, dəmir yolu ilə nəql edilən yüklər müvafiq icra hakimiyyəti orqanının müəyyən etdiyi son dəmir yolu stansiyasında xarici dövlətlərin yük avtomobillərinə, qoşqulu və yarımqoşqulu avtonəqliyyat vasitələrinə aşırılaraq ən yaxın gömrük sərhəd buraxılış məntəqəsindən keçirilməklə digər dövlətə daşındıqda yol vergisindən azad edilib.

Oxşar xəbərlər

Gələn ildən dəmir yolu ilə daşımalarda yeni güzəştlər tətbiq olunacaq

2025-ci ildən dəmir yolu ilə daşımalarda yeni güzəştlər tətbiq olunacaq

Xarici dövlətlərin yük avtomobillərinin yol vergisindən azad olunması qaydası hazırlanacaq

Sementin bəzi növləri gömrük rüsumundan azad edilən malların siyahısından çıxarılıb

Dəmir yolu stansiyasından oğurluq edən şəxs saxlanılıb