Şuşada Azərbaycan və Birləşmiş Ərəb Əmirlikləri (BƏƏ) arasında iqtisadi, ticarət və texniki əməkdaşlıq üzrə Birgə Hökumətlərarası Komissiyasının 9-cu iclası keçirilib.

“Report” xəbər verir ki, bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib.

"BƏƏ-nin iqtisadiyyat naziri, həmkarım Abdulla Bin Touq Al Marri ilə birlikdə Şuşada Azərbaycan-BƏƏ Hökumətlərarası Komissiyasının 9-cu iclasında iştirak etdik. Ölkələrimizin dayanıqlı inkişafı istiqamətində iqtisadi-ticarət əlaqələrinin şaxələndirilməsi, investisiya yatırımlarının artırılması, "yaşıl enerji"yə keçidin təmin edilməsi sahəsində birgə təşəbbüslərin əhəmiyyətini qeyd etdik və COP29 çərçivəsində potensial əməkdaşlıq imkanlarını nəzərdən keçirdik. Azərbaycan-BƏƏ iqtisadi tərəfdaşlığının güclənməsi üçün yeni fürsətlər yaradan və səmərəli müzakirələrlə yadda qalan iclasın bütün iştirakçılarına təşəkkür edirəm", - deyə o qeyd edib.

BƏƏ-nin iqtisadiyyat naziri, həmkarım Abdulla Bin Touq Al Marri ilə birlikdə #Şuşa-da Azərbaycan – BƏƏ Hökumətlərarası Komissiyasının 9-cu iclasında iştirak etdik. Ölkələrimizin #dayanıqlıinkişaf-ı istiqamətində iqtisadi-ticarət əlaqələrinin şaxələndirilməsi, #investisiya… pic.twitter.com/oA4fZFTR41

— Mikayil Jabbarov (@MikayilJabbarov) August 1, 2024

Oxşar xəbərlər

Azərbaycan BƏƏ ilə "yaşıl enerji” üzrə investisiya layihələrini müzakirə edib

Mikayıl Cabbarov BƏƏ-nin iqtisadiyyat naziri ilə görüşdü - FOTO

Astanada Azərbaycan-Qazaxıstan Birgə Hökumətlərarası Komissiyasının 20-ci iclası keçirilir

Azərbaycan-Bolqarıstan komissiyasının adı dəyişib

Azərbaycan-Türkiyə Hökumətlərarası İqtisadi Komissiyanın iclası Ankarada keçiriləcək