"Amazon" korporasiyasının təsisçisi Ceff Bezos iyun ayının sonunda elektron ticarət nəhənginin 737 milyon dollarlıq səhmlərini satıb.

"Report" xəbər verir ki, bu barədə "Reuters" müvafiq sənədə istinadən xəbər verir.

"Bezos "Amazon"dakı 3.3 milyon ədəd səhmini 736.7 milyon dollara satıb.Bu əqddən sonra iş adamının nəzarətində təxminən 905 milyon ədəd səhm qalacaq", - məlumatda deyilir.

Agentlik xatırladır ki, ötən il Bezos təxminən 5 milyard dollarlıq səhm satışı həyata keçirib.

Bezos "Amazon"u 1994-cü ildə təsis edib.