İranla müharibə Birləşmiş Ştatların dünya liderliyini təhlükə altına qoyur.

"Report"un "Reuters" agentliyinə istinadən verdiyi xəbərə görə, bunu İtaliyanın müdafiə naziri Qvido Krozetto "Corriere della Sera" qəzetinə müsahibəsində bildirib.

"Bu müharibə Birləşmiş Ştatların dünya liderliyini də təhlükə altına qoyur. Bir düşünün: məhz bizim kimi insanlar hətta Xirosima və Naqasakini münaqişəyə son qoymaq üçün məqbul vasitə hesab ediblər. Təəssüf ki, biz hələ də nüvə silahına sahibik, bu silaha malik olmayanlar isə əldə etməyə çalışırlar. Biz heç bir dərs almamışıq".

Müdafiə naziri vurğulayıb ki, risk münaqişədə hər bir addımın daha yüksək səviyyədə reaksiya doğurduğu "dəlilik"lə bağlıdır.

ABŞ Prezidenti Donald Trampın Avropanın Yaxın Şərqdəki müharibəyə münasibətini tənqid etməsinə cavab olaraq, Krozetto qeyd edib ki, İtaliya ötən həftə meydana çıxmış hallar istisna olmaqla, heç bir şəraitdə ABŞ-nin onun bazalarından istifadə etməsinə icazə verməyib.

Oxşar xəbərlər

Azərbaycan karateçisi dünya reytinqində liderliyini qoruyub

Azərbaycanlı paralimpiya çempionu dünya reytinqindəki liderliyini qoruyub

Ermənistan və İtaliyanın müdafiə nazirləri regional təhlükəsizliyi müzakirə ediblər

Tramp: ABŞ İsraili İranla mümkün hərbi münaqişədə dəstəkləyə bilər