Amerika Birləşmiş Ştatlarında ədəbiyyat üzrə “Milli kitab” mükafatının laureatları açıqlanıb.

Sizinxeber.az xəbər verir ki, nəsr üzrə mükafat amerikalı yazıçı Persival Everettə təqdim olunub. O, bu mükafata Mark Tvenin “Heklberri Finnin macəraları” romanındakı Ceyms obrazının həyatının davamından bəhs edən “Ceyms” romanına görə layiq görülüb.

Şeir üzrə qalib isə “Yaşamaq haqında bir şey” şeirlər toplusu ilə Fələstin əsilli Amerika şairi Lena Xələf Tuffaha olub.

Hər iki ədibə mükafat fondu tərəfindən 10 min dollar pul mükafatı verilib.

Qeyd edək ki, “Milli kitab” mükafatı 1936-cı ildə Amerika Kitab Satıcıları Assosiasiyası (American Booksellers Association) tərəfindən tərtib olunub, İkinci Dünya müharibəsi dövründə fəaliyyəti dayandırılıb və 1950-ci ildə üç kitab sənayesi tərəfindən yenidən bərpa edilib. ABŞ-dən olmayan müəlliflər müharibədən əvvəlki dövrdə mükafata namizəd ola bilirdilər. İndi bu mükafatlar yalnız il ərzində ABŞ-də nəşr olunmuş kitablara və ABŞ-dən olan müəlliflərə təqdim olunur.

Oxşar xəbərlər

54 yaşlı cənubi koreyalı yazıçı ədəbiyyat üzrə “Nobel”in sahibi olub

Azərbaycan nəşrləri XXI Beynəlxalq “Kitab sənəti” müsabiqəsində qalib olub

Azərbaycan Moskva Beynəlxalq Kitab Sərgisində təmsil olunur

10-cu Bakı Beynəlxalq Kitab Sərgisinin fəxri yazarları məlum olub

Dünya şöhrətli yazar Bakı Beynəlxalq Kitab Sərgisinin fəxri qonağı olacaq