İqlim dəyişikliyi ilə mübarizədə hüququn, hüquqşünasların və hüquq assosiasiyalarının rolu ciddi şəkildə qiymətləndirilmir.

APA xəbər verir ki, COP29 çərçivəsində “Milli çərçivələrdən kənar: Hüquqi yanaşmalar vasitəsilə ambisiyaları artıran hüquqşünaslar və hüquq birlikləri” adlı paneldə çıxışı zamanı IBA-nın Enerji, Ətraf Mühit, Təbii Sərvətlər və İnfrastruktur Hüququ Bölməsinin sədr müavini (SEERIL) Matthias Lang deyib.

O bildirib ki, bu sahədə milli və beynəlxalq iqlim dəyişikliyi ilə əlaqəli qanunlar son dərəcə mürəkkəbdir: “Böyük siyasi iqlim dəyişikliyi konseptlərinin hüquqi icrası çox vaxt düşünülməyən bir iş kimi görünür. İqlim dəyişikliyi ilə əlaqəli qanunların qanunvericilik keyfiyyəti tez-tez aşağı olur. Hüquqşünaslar qanunların gündəlik tətbiq üçün mənalı olmasını təmin etməlidirlər”.

Lang əlavə edib ki, əgər iqlim dəyişikliyi ilə bağlı nəsə etmək istəyiriksə, 1991-ci ildən mövcud olan möhtəşəm çərçivə razılaşmaları lazımdır, amma həqiqətən bunu reallaşdırmaq üçün qanunlara ehtiyac var.

Oxşar xəbərlər

Britaniyanın sabiq baş naziri: Hökumətlər bütün biznesləri iqlim dəyişikliyi ilə mübarizədə təşviq etməlidir

Saymon Still: COP29 iqlim dəyişikliyi məsələsinin gündəmdə saxlanılmasında mühüm rol oynayacaq

Muxtar Babayev: İqlim dəyişikliyinin su sistemlərinə təsiri Azərbaycanda da ciddi hiss olunur

İtaliyanın İqlim dəyişikliyi üzrə xüsusi elçisi: COP29 faydalı bir platforma olacaq

Saymon Stil: Hər kəsi iqlim dəyişikliyi probleminin həllinə cəlb etməliyik