Qlobal Şimal ölkələri, görünür, məsuliyyəti və günahı Qlobal Cənubun üzərinə atmağa çalışır.

“Sizinxeber.az” xəbər verir ki, bunu "İqlim Ədaləti üçün Qlobal Kampaniya (DCJ)" şəbəkəsinə daxil olan beynəlxalq QHT-lərin nümayəndələri COP29 çərçivəsində keçirilən mətbuat konfransında bildiriblər.

"Təxminən 30 ildir keçirilən iqlim konfranslarından sonra biz yenidən təkrar etməliyik ki, bu böhrana görə tarixən məsuliyyət daşıyan bir neçə çox zəngin ölkə bu prosesi "çirkləndirməyə" çalışır və COP29-da real nəticələrin əldə edilməsini əngəlləyir", - DCJ təmsilçisi Raşita Qupta bildirib.

ABŞ-nin “ActionAid” təşkilatının nümayəndəsi Brendon Vu isə öz növbəsində deyib ki, Amerika iqlim maliyyələşməsində öz ədalətli payını təmin etməyib və onun inkişaf etməkdə olan ölkələrin konkret öhdəliklər götürməkdə həvəssiz olması ilə bağlı istinad etdiyi səbəb təhqiredici səslənir. İnkişaf etməkdə olan ölkələr bunu etmir, çünki bu öhdəliklərin yerinə yetirilməsi üçün maliyyə vəsaitinin olduğuna əmin deyil.

"Buna görə də əgər kimsə inkişaf etməkdə olan ölkələrin maneə törətdiyini deyirsə, bu təhqiredicidir, çünki inkişaf etmiş ölkələr heç nə təklif etmir. Bu, onların illərdir mövcud öhdəlikləri yerinə yetirməməsi faktı ilə daha da ağırlaşır", - B.Vu əlavə edib.

Oxşar xəbərlər

COP29: “ActionAid” iştirakçıları iqlim maliyyələşdirilməsi üzrə öhdəliklərin ədalətli bölüşdürülməsinə çağırış edib

QHT: Qlobal Şimalın zəngin ölkələri iqlim fəaliyyətləri üçün real pul ödəməlidirlər

BMT Baş katibinin müavini COP29 konfransının əhəmiyyətindən bəhs edib

“Climate Action Network”: İqlim maliyyələşdirilməsi ilə bağlı danışıqlara bütün tərəflər cəlb edilməlidir

Toqo Prezidenti: İqlim ədaləti bütün müzakirələrimiz üçün kompas və istiqamət olmalıdır