BMT-nin İqlim Dəyişikliyi üzrə Çərçivə Konvensiyasının 29-cu sessiyasına (COP29) hazırlıq UNESCO-nun Ümumdünya İrs Komitəsinin 46-cı sessiyası (WHC46) çərçivəsində təşkil edilən “Ümumdünya irs, biomüxtəliflik və iqlim: Fəaliyyətin səfərbər edilməsi və maliyyələşdirmə” mövzusunda keçirilən tədbirdə müzakirə edilib.

“Report” xəbər verir ki, bu barədə UNESCO üzrə Azərbaycan Milli Komissiyasının “X” sosial şəbəkəsində dərc olunan məlumatında deyilir.

“Bu gün Azərbaycan nümayəndə heyəti UNESCO-nun Ümumdünya İrs Komitəsinin 46-cı sessiyası (WHC46) çərçivəsində təşkil edilən “Ümumdünya irs, biomüxtəliflik və iqlim: Fəaliyyətin səfərbər edilməsi və maliyyələşdirmə” mövzusunda keçirilən paralel tədbirdə iştirak edib. Azərbaycanın nümayəndəsi, Ekologiya və Təbii Sərvətlər Nazirliyinin Ekoloji siyasət və ətraf mühitin mühafizəsi idarəsinin rəhbəri Faiq Mütəllimov ölkənin bu məsələ ilə bağlı siyasətindən danışıb. O həmçinin tədbir iştirakçılarını COP29-a hazırlıq prosesi barədə məlumatlandırıb”, - paylaşımda deyilir.

Qeyd edək ki, BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) bu ilin noyabrında Bakıda keçiriləcək. Bu qərar 2023-cü il dekabrın 11-də Dubayda keçirilən COP28-in plenar iclasında qəbul edilib.

Today delegation attended side event "World Heritage,Biodiversity and Climate: mobilising action and finance" held in the framework of @UNESCO WHC46. Representative of in capacity of panelist Mr.Faig Mutallimov spoke about policy of on this issue.He informed about #COP29 pic.twitter.com/LgNUwhx8cT

— National Commission of Azerbaijan for UNESCO (@UNESCO_AZ) July 27, 2024

Oxşar xəbərlər

Elman Abdullayev: Azərbaycan Afrika Ümumdünya İrs Fonduna dəstəyini davam etdirməyi planlaşdırır

UNESCO Ümumdünya İrs Komitəsinin 46-cı sessiyası çərçivəsində bir sıra görüşlər keçirilib

COP29 gələn il Azərbaycanda keçiriləcək - RƏSMİ

Ekologiya naziri ÜST-nin baş direktoru ilə görüşüb

ÜST Azərbaycan və tərəfdaşları COP29-a hazırlıq məqsədilə Vahid Sağlamlıq dialoqu keçirib