COP29 Qazaxıstan üçün dayanıqlı kənd təsərrüfatının inkişafı və iqlim dəyişikliklərinə uyğunlaşmada əhəmiyyətli bir mərhələ oldu.

Sizinxeber.az xəbər verir ki, bu barədə Qazaxıstan Kənd Təsərrüfatı nazirinin müavini Ermek Kenzhekanuly "COP to COP Aqrar-Sənaye Kompleksinin İrsi: Qlobal İqlim Məqsədlərinə nail olmağın açarı" adlı tədbirdə bildirib.

"COP konfransı bizə digər regionlarla ən yaxşı təcrübələri bölüşmək üçün bir platforma təqdim etdi. Qazaxıstan metan emissiyalarının azaldılmasına xüsusi diqqət yetirir. Qlobal Emissiyaların Azaldılması Təşəbbüsü çərçivəsində biz otlaqların bərpası və üzvi əkinçiliyin inkişafı layihələrini öyrənirik. Artıq 4000-dən çox fermer günəş panellərindən istifadə edir, təxminən 100 təsərrüfat isə külək enerjisi sistemlərini modernləşdirib. Biz həmçinin yüksək məhsuldarlığı minimal ekoloji təsirlə təmin edən enerjiyə qənaət edən istixanalar inkişaf etdiririk. COP29 Qazaxıstan üçün dayanıqlı kənd təsərrüfatının inkişafı və iqlim dəyişikliklərinə uyğunlaşmada əhəmiyyətli bir mərhələ oldu. Biz karbon izini azaltmaq və kənd təsərrüfatının davamlılığını artırmaq məqsədinə doğru əmin addımlarla beynəlxalq arenada fəal əməkdaşlığı davam etdiririk. Qarşıda hələ çox çağırışlar var, lakin biz əminik ki, dünya birliyi ilə birgə iş, aqrar-sənaye sektorunun inkişafını və ətraf mühitin mühafizəsini təmin edəcək," - deyə o bildirib.

Oxşar xəbərlər

COP29 çərçivəsində "Fermerlər üçün Bakı Harmoniya İqlim Təşəbbüsü" tədbiri keçirilir

Nazir: Böyük Britaniya COP29-un sədrliyi dövründə "Harmoniya" təşəbbüsünü alqışlayır

CGİAR: İqlim dəyişikliyi və ərzaq təhlükəsizliyi bir-birinə sıx bağlıdır

Səfir: Qazaxıstan COP29 tədbirində fəal iştirak edəcək

Dünya Bankının Qlobal Direktoru: 2030-cu ilə qədər kənd təsərrüfatı maliyyələşdirməsini 9 mlrd. dollara çatdırmaq üçün çalışırıq