Rusiyanın xarici işlər naziri Sergey Lavrov və Türkiyənin xarici işlər naziri Hakan Fidan mayın 25-27-də Moskvada İstanbul danışıqlarından sonra yaranmış vəziyyətin inkişafını müzakirə edəcəklər.

“Report” xəbər verir ki, bu barədə Rusiya Xarici İşlər Nazirliyinin bəyanatında deyilir.

"Qarşıdan gələn görüş zamanı nazirlər Cənubi Qafqaz, Liviya, Suriya və Qara dəniz regionunda mövcud işlərin vəziyyətini müzakirə edəcəklər. İstanbulda Rusiya-Ukrayna danışıqlarından sonra vəziyyətin inkişafı ilə bağlı hərtərəfli fikir mübadiləsi aparacaqlar. Qara dənizdə təhlükəsiz gəmiçilik mövzusuna toxunulacaq", - nazirlikdən bildiriblər.

İclasda nazirlər, həmçinin bank xidmətlərinin yaxşılaşdırılması üçün əlverişli mühitin yaradılması və ölkələr arasında ticarətin şaxələndirilməsi məsələlərini müzakirə edəcəklər.

Oxşar xəbərlər

Lavrov və Fidanın Moskva danışıqlarında müzakirə edəcəyi əsas məsələlər açıqlanıb

Fidanla Lavrov arasındakı telefon danışığının təfərrüatları məlum olub - YENİLƏNİB

Rusiya və Ermənistan XİN başçılarının sabah müzakirə edəcəyi məsələlər açıqlanıb - YENİLƏNİB

Fidan və Lavrov Rusiya-Ukrayna müharibəsində atəşkəsə nail olmaq səylərini müzakirə ediblər

Hakan Fidan Lavrovla Ukraynadakı vəziyyəti müzakirə edib