Ermənistanda Dövlət Gəlirləri Xidmətinin əməkdaşı həbsxana binasından 590 min dollar oğurlamaqda şübhəli bilinərək həbs edilib.

Bu barədə “Sizinxeber.az” yerli mətbuata istinadən xəbər verir.

Məlumata görə, binadan 590 min ABŞ dolları oğurlamaqda şübhəli bilinən 3 nəfər tutulub. Onlardan biri xidmətin əməkdaşıdır.

Oğrunu öz avtomobili ilə İrəvanın Saryan küçəsindən, Baş Poçt İdarəsinin binası yaxınlığında aparan xidmətin əməkdaşı olub.

Bundan əvvəl Korrupsiyaya qarşı Mübarizə Komitəsi uzun müddət hazırlanmış və planlaşdırılmış mənimsəmə faktı üzrə cinayət işinin üstünün açıldığını, qrup üzvlərinin kimliyinin, onların rollarının, habelə oğurluq mexanizminin və pulların saxlandığı yerlərin müəyyən edildiyini bildirmişdi. Aparılan axtarışlar və digər prosessual hərəkətlər nəticəsində oğurlanmış 590 min ABŞ dollarının böyük hissəsi – 578,8 min dolları aşkar edilərək götürülüb.

Həbs olunan şəxslər cinayətlərini etiraf ediblər.

Oxşar xəbərlər

Ermənistanda bir neçə polis əməkdaşı mənimsəmə cinayətinə görə həbs edilib

Abşeronda evdən 130 min dollar oğurlamaqda şübhəli bilinən Çin vətəndaşları saxlanılıb

Mənzildən 35 min manat oğurlamaqda şübhəli bilinən qadın saxlanılıb

Qırğızıstanda "Rus evi"nin əməkdaşı həbs edilib

Ağcabədidə rabitə kabellərini oğurlamaqda şübhəli bilinən şəxs saxlanılıb