Mayın 18-nə keçən gecə Rusiya ordusu Ukraynaya müharibə dövründə rekord sayda zərbə dronları ilə hücum edib. “Şahidlər” və imitator dronlar beş istiqamətdən buraxılıb.

“Report” xəbər verir ki, Ukrayna Silahlı Qüvvələrinin Hava Qüvvələri Komandanlığı 273 müxtəlif növ dronun buraxıldığını açıqlayıb.

“Bu gecə Ukraynaya ən kütləvi PUA hücumu baş verib”, – məlumatda deyilir.

Qeyd olunub ki, hədəflərin vurulması Kiyev şəhəri və Kiyev vilayəti ərazisində baş verib. Ukraynalı jurnalistlər zərbə yerindən görüntüləri dərc edirlər, eyni zamanda vurğulayırlar ki, dronların böyük hissəsini vurmaq mümkün olub, lakin 60-a qədər dron dəqiq hədəfə çatıb.

Rusiya Silahlı Qüvvələri tərəfindən Ukraynaya buraxılmış dronların sayına görə əvvəlki rekord 23 fevral gecəsi qeydə alınmışdı. O zaman hücum üçün ballistik raketlər və 267 zərbə PUA-sı istifadə edilmişdi.

Oxşar xəbərlər

Kiyevə dron hücumu olub, ölən və yaralananlar var

Bu gecə Rusiya ərazisində Ukraynaya məxsus 337 PUA vurulub

Rusiya ötən gecə Ukraynaya məxsus 28 PUA vurub

KİV: ABŞ Ukraynaya dronların yaradılması üçün kömək istəyib

Rusiya Kiyev vilayətini atəşə tutub, ölənlər və yaralananlar var