Türkiyənin İstanbul şəhərinin meri Əkrəm İmamoğlu Sarıyer rayonundakı Bəyaz Köşkdə Fələstin Dövlətinin inzibati mərkəzi olan Ramallah şəhərinin meri İssa Kassisi qəbul edib.

“Report” xəbər verir ki, bu barədə “Anka” məlumat yayıb.

Bildirilib ki, İsrailin hərbi əməliyyatları fonunda “Fələstin xalqının haqlı mübarizəsinin yanında olduqlarını” vurğulayan İmamoğlu “İstanbulda da eyni həssaslıqla” yanaşdıqlarını qeyd edib:

“Biz burada yaşayan fələstinli tələbələrə töhfə verdik və onların ehtiyacları ilə maraqlanırıq. Yardım yük maşınlarımızı Qəzzaya göndərdik <...> Fələstin xalqına ehtiyacı olan hər şeydə kömək etməyə hazır olacağıq”.

Eyni zamanda, İstanbul meri bələdiyyəsinin Ramallahdakı Osmanlı məhkəməsinin yenidənqurmasına töhfə verəcəyini bəyan edib:

“O layihədə olmaq istəyirik və prosesi mütləq dəstəkləyəcəyik. Ümid edirəm, çox gözəl bir əsəri şəhərinizə qazandıracağıq”.

Qeyd edək ki, Ramallahdakı Osmanlı məhkəməsi ikimərtəbəli tarixi binadır. Hazırda mədəniyyət mərkəzi kimi fəaliyyət göstərir.

Oxşar xəbərlər

Ərdoğan Əbdülfəttah əs-Sisi ilə Qəzzaya humanitar yardım məsələsini müzakirə edib

Netanyahunun ofisi İsrailin Fələstin dövlətinin tanınması ilə bağlı xəbəri təkzib edib

Fələstin hökuməti ABŞ konqresmenlərinin qərarını pisləyib

Vilayəti HƏMAS lideri ilə danışdı: Savaş qızışır!

Ərdoğan: Türkiyə Ukrayna münaqişəsi ilə bağlı İstanbul prosesini bərpa etməyə hazırdır