Gürcüstanın Bolnisi rayonunun Naxiduri kəndində vəziyyət gərginləşib.

“Report”un yerli bürosu xəbər verir ki, sakinlər iki yeniyetmənin həyatını itirməsinə səbəb olan avtomobilin sürücüsünün törətdiyi hadisəylə bağlı etiraz aksiyası keçirirlər.

Əraziyə xüsusi təyinatlılar cəlb edilib, vəziyyət gərgin olaraq qalır.

Sakinlər bildirirlər ki, sürücü avtomobili sərxoş vəziyyətdə idarə edirmiş. Onlar təcili yardım avtomobilini də aşırıblar. Həmin avtomobildə hadisəni törədən sürücünün gizləndiyi iddia edilir, həmçinin yeniyetmələri aparan avtomobilə də müdaxilə olunub.

Daxili İşlər Nazirliyinin Patrul Polis İdarəsinin Kvemo-Kartli Baş İdarəsinin əməkdaşlarının həyata keçirdikləri əməliyyat-axtarış tədbirləri və istintaq hərəkətləri nəticəsində Marneuli-Bolnisini birləşdirən yolda yol-nəqliyyat hadisəsini törətmiş sürücü, 2003-cü il təvəllüdlü T.Ç saxlanılıb.

Qeyd edək ki, hadisə zamanı 15 yaşlı Elçin Binnətov və Sinan Şərifov ölüblər.

Oxşar xəbərlər

Gürcüstanda bir qrup azərbaycanlı iki yeniyetmənin ölümü ilə bağlı aksiya keçirib

Naxçıvanda avtomobillə 85 yaşlı qadını vurub qaçan sürücü saxlanılıb

Konstruksiya dəyişikliyi etdiyi avtomobilini “Tik-Tok”-da paylaşan sürücü həbs edilib

Qubada avtomobili narkotik və spirtli içkinin təsiri altında idarə edən 25 sürücü aşkar olunub

Qusarda avtomobili narkotik və spirtli içkinin təsiri altında idarə edən 21 sürücü aşkarlanıb