Ermənistanın Rusiya ilə hərbi-texniki əməkdaşlığı 96 faizdan 10 faizə düşüb və bu, Rusiyanın seçimi olub.

“Report” xəbər verir ki, bu barədə Ermənistanın Təhlükəsizlik Şurasının katibi Armen Qriqoryan “Birinci kanal”a müsahibəsində söyləyib.

“Müqavilələr imzalanıb, amma yerinə yetirilməyib. Üstəlik Ukraynadakı müharibəni tez-tez vurğulayırlar, lakin bu müqavilələr 2021-ci ilin əvvəlində imzalanıb, 1 ildən çox müddətə çatdırılmayıb və müharibə başlayandan sonra da çatdırılmayıb. Bu, Rusiya Federasiyasının qərarı idi, sonra biz faktlarla üzləşdik və [hərbi-texniki əməkdaşlığı] şaxələndirmək məcburiyyətində qaldıq”, – o söyləyib.

Onun sözlərinə görə, təhlükəsizlik sektorunda əsas rolu Fransa oynayır:

“Fransa bizi birinci sinif silahlarla təmin edir. Bu məsələ, başa düşdüyünüz kimi, sükutu sevir və biz aldığımız hər şeyi bəyan edə bilmirik; hərbi-texniki əməkdaşlıq bu istiqamətdə sakit və balanslı işi nəzərdə tutur”.

Oxşar xəbərlər

Rusiyalı deputat Paşinyanın bəyanatını alçaqlıq adlandırıb

Ermənistan və Yunanıstan arasında hərbi əməkdaşlıq haqqında saziş imzalanıb - FOTO

Səfir: Rusiya və Ermənistan hərbi-texniki əməkdaşlıq sahəsində yeni sazişləri müzakirə edir

Dmitri Medvedev: Müharibə tezliklə Rusiyanın qələbəsi ilə başa çatacaq

Fransa Ermənistana "müdafiə məqsədilə" hərbi texnikalar verəcək