Ermənistanda biometrik pasportlar və şəxsiyyət vəsiqələri 2026-cı ilin ortalarından istifadəyə verəcək.

“Sizinxeber.az” “Sputnik Ermənistan”a istinadən xəbər verir ki, bu barədə Ermənistan Daxili İşlər Nazirliyinin Miqrasiya və Vətəndaşlıq Xidmətinin rəis müavini Nelli Davtyan bildirib.

Onun sözlərinə görə, yeni sənədlərin tətbiqinə hazırlıq təxminən 1,5 il əvvəl başlayıb. Bu müddət ərzində bazar araşdırmaları, yerli və beynəlxalq şirkətlərlə danışıqlar aparılıb. Nəticədə gələcək əməkdaşlıq üçün üç böyük beynəlxalq təşkilat seçilib.

Oktyabrın 10-da texniki və maliyyə hissələri də daxil olmaqla tender başlayıb. Müraciətlər yanvarın 8-dək qəbul ediləcək, bundan sonra isə xüsusi komissiya təklifləri qiymətləndirəcək.

Ermənistan vətəndaşlarına biometrik pasportlarla yanaşı, elektron çiplə təchiz edilmiş biometrik şəxsiyyət vəsiqələri də veriləcək.

Oxşar xəbərlər

Rusiyaya gələn əcnəbilərdən biometrik məlumatlar tələb olunacaq

Qazaxıstan 2026-cı ildə “Kaşaqan” yatağında qaz emalı zavodunu işə salmağı planlaşdırır

Ermənistan Bakıda keçiriləcək COP29-da iştirak edəcəkmi?

Azərbaycanda daşınmaz əmlakla bağlı portal istifadəyə veriləcək

Qarabağ universitetinin tələbələrinə də “Smart tələbə kartı” verilə bilər