Ukraynanın xarici işlər naziri Andrey Sibiqa və NATO-nun baş katibinin müavini Radmila Şekerinsка Antalya Diplomatiya Forumu çərçivəsində ölkənin hava hücumundan müdafiəsinin gücləndirilməsi məsələsini müzakirə ediblər.

"Report" xəbər verir ki, bu barədə Ukrayna XİN başçısı "X" hesabında yazıb.

"Biz sülhün möhkəmləndirilməsi səylərini, döyüş meydanındakı vəziyyəti və müdafiə sənayesinin inkişafını müzakirə etdik. NATO-nun PURL təşəbbüsü əvvəlki kimi həlledici əhəmiyyət daşıyır. Bir nömrəli prioritetimiz hava hücumundan müdafiəmizin gücləndirilməsidir. Avropada və Yaxın Şərqdə təhlükəsizliklə bağlı vəziyyətə diqqət yetirdik və Ukrayna ilə NATO arasında növbəti mühüm təmaslara və tədbirlərə hazırlığı müzakirə etdik", - o qeyd edib.

Sibiqa bildirib ki, forum çərçivəsində Moldova Prezidenti Maya Sandu ilə danışıqlar aparıb, 14-15 may tarixlərində Kişineuda keçiriləcək Avropa Şurası Nazirlər Komitəsinin iclasına hazırlığı müzakirə edib.

Oxşar xəbərlər

Andrey Sibiqa Blinkenlə Ukraynanın hava hücumundan müdafiəsini gücləndirməyi müzakirə edib

Sibiqa Blinkenlə Ukraynanın hava hücumundan müdafiəsini gücləndirməyi müzakirə edib

Ukrayna və Küveyt müdafiə sahəsində əməkdaşlığın genişləndirilməsini müzakirə ediblər

Ukrayna XİN rəhbəri NATO Baş katibinin müavini ilə görüşüb

Zelenski Ostinlə döyüş meydanındakı vəziyyəti müzakirə edib