ABŞ tərəfi İranla danışıqlar prosesinin əvvəlindən Tehranın nüvə problemi ilə bağlı kompromisli təkliflərini rədd edib və İran tərəfi üçün qəbuledilməz olan şərtlərdə israr edib.

“Report” xəbər verir ki, bu barədə İranın xarici işlər naziri Abbas Əraqçi IRNA agentliyinə müsahibəsində bildirib.

"ABŞ bizim fikrimizcə, qeyri-mümkün olan bir məqsədə nail olmaqda, yəni "sıfır zənginləşdirmə"də israr edirdi", - o qeyd edib.

A.Əraqçinin sözlərinə görə, ABŞ tərəfi üçüncü tərəflər vasitəsilə ziddiyyətli mesajlar ötürür, həmçinin ziddiyyətli bəyanatlarla çıxış edir.

"Problemlərimizdən biri də bundan ibarətdir ki, biz amerikalılardan konkret bəyanat eşitməmişik. Danışıqlar daim dəyişirdi və verilən mesajlar ziddiyyətli idi. Ola bilsin ki, ABŞ tərəfi hələ yekun qərar qəbul etməyib", - o qeyd edib.

Oxşar xəbərlər

Rəsmi Tehran ABŞ-ni nüvə sazişi üzrə danışıqları çətinləşdirməkdə ittiham edib

BAEA rəhbəri İranın nüvə obyektlərinə baş çəkib

Əraqçi: İsrailin zərbələri İranın nüvə proqramı üzrə mümkün razılaşmanı pozub

İran XİN başçısı ABŞ ilə nüvə sazişi üzrə danışıqlar aparmaq üçün Romada səfərdədir

Əraqçi: İran uranın zənginləşdirilməsi proqramından imtina etməyəcək