Gürcüstanın təhsil, elm və gənclər naziri Aleksandre Tsuladze şəxsi qərarı ilə vəzifəsindən istefa verib.

"Report"un Gürcüstan bürosu xəbər verir ki, bu barədə nazirliyin yaydığı rəsmi məlumatda bildirilir.

Nazir istefa bəyanatında vəzifədə olduğu müddətdə təhsil sisteminin bütün pillələri üzrə keyfiyyətin artırılmasına yönəlmiş bir sıra təşəbbüslərin həyata keçirildiyini qeyd edib. O, həmçinin başladılan innovativ layihələrin gələcəkdə yeni nazir tərəfindən uğurla tamamlanacağına inandığını ifadə edib.

Tsuladze həmkarlarına və hökumət komandasına təşəkkür edərək Gürcüstanın gələcəyi naminə gördükləri işlərə görə minnətdarlığını bildirib.

Oxşar xəbərlər

Gürcüstanın təhsil, elm və gənclər naziri istefa verib

Gürcüstanın DTX rəhbəri istefa verib

Gürcüstanın daxili işlər naziri istefa verib

Azərbaycanla Gürcüstan təhsil sahəsində gələcək inkişaf perspektivlərini müzakirə edib