Rusiya aviaşirkətlərinin İsrail, İordaniya, İraq və İrana uçuşlar həyata keçirməsi qadağan edilib

Rusiya Federal Hava Nəqliyyatı Agentliyi (Rosaviasiya) ölkə aviaşirkətlərinə Yaxın Şərqə uçuşları məhdudlaşdırmaqla bağlı göstərişlər verib.

“Report” xəbər verir ki, bu barədə “İnterfaks” məlumat yayıb.

"Rosaviasiya aviaşirkətlərə İsrail və İran hava limanlarına/hava limanlarından uçuşlar, eləcə də İsrail, İordaniya, İraq və İran hava məkanında uçuşlar həyata keçirməməklə bağlı göstərişlər verilib", - qurumdan bildirilib.

Göstərişlər ilkin olaraq iyunun 26-sı Moskva vaxtı ilə saat 02:59-a (Bakı vaxtı ilə 03:59) qədər qüvvədədir.

"Rosaviasiya" vurğulayıb ki, qərar uçuşların təhlükəsizliyini təmin etmək məqsədilə qəbul edilib.