Qəzza zolağının şimalında yerləşən Beyt Hanoun şəhərindən yayılan son görüntülər gündəm olub.

Sizinxeber.Az Globalinfo.az-a istinadən xəbər verir ki, kadrlarda şəhərin ciddi zərər gördüyü, yaşayış binalarının əksəriyyətinin ya tamamilə dağıldığı müşahidə olunur.

Məlumata görə, küçələrdə geniş dağıntılar, uçmuş tikililər və infrastrukturun demək olar ki, tam sıradan çıxması diqqət çəkir.

Qeyd olunub ki, bölgədə intensiv hərbi əməliyyatlar nəticəsində həm yaşayış evləri, həm də sosial obyektlər zərər görüb. Bu isə mülki əhali üçün ciddi humanitar çətinliklər yaradıb və şəhərin əvvəlki vəziyyətinə qayıtmasının uzun zaman alacağını göstərir.

Hazırda Qəzza zolağının bir çox hissəsində olduğu kimi, Beyt Hanounda da vəziyyət gərgin olaraq qalır və dağıntıların aradan qaldırılması ilə bağlı proseslər olduqca məhdud imkanlarla həyata keçirilir.

Oxşar xəbərlər

Qəzzada bir gündə azı 51 fələstinli həlak olub

ÜST: Qəzzanın şimalında böyük tibb müəssisəsi qalmayıb

İsrail ordusu Qəzza zolağının şimalında onlarla silahlını öldürüb