Kreml Ukraynada çinli hərbçilərin əsir götürülməsini şərh etməyib

Kreml Ukraynada çinli hərbçilərin əsir götürülməsini şərh etməyib.

APA-nın Moskva bürosu xəbər verir ki, bu gün Rusiya prezidentinin mətbuat katibi Dmitri Peskova brifinq zamanı Ukraynada çinli əsgərlərin əsir götürüldüyü iddia edilən məlumatı şərh etməklə bağlı sual ünvanlanıb.

Kremlin sözçüsü bu məlumatı heç cür şərh edə bilməyəcəyini bildirib.

Qeyd edək ki, Ukrayna Prezidenti Volodimir Zelenski Rusiya tərəfində vuruşan iki Çin vətəndaşının əsir götürüldüyü barədə özünün “Telegram” kanalında məlumat yayıb. Ukrayna lideri əsir götürülmüş Çin vətəndaşının görüntülərini paylaşıb.