Rusiya xarici işlər naziri Sergey Lavrov Moskvada Avrasiya ölkələrinin səfirləri ilə görüşüb.

Sizinxeber.az-nın Moskva müxbiri Rusiya Xarici İşlər Nazirliyinə istinadən xəbər verir ki, görüşdə beynəlxalq məsələlər, o cümlədən Moskvanın Vaşinqtonla təmasları və Ukrayna böhranı müzakirə edilib.

Rusiya XİN başçısı Yaxın Şərqdəki partlayış təhlükəsi olan vəziyyətdən, Cənubi Qafqaz və Mərkəzi Asiyada sabitlik üçün risklərdən danışıb.

Lavrov həmçinin NATO ölkələrinin Asiya-Sakit okean regionunda vəziyyəti destabilləşdirməyə yönəlmiş təhlükəli hərəkətlərinə də diqqət çəkib.

Görüş iştirakçıları həmçinin Rusiya prezidenti Vladimir Putinin Avrasiyada yeni təhlükəsizlik arxitekturasının yaradılması təşəbbüsü ilə bağlı fikir mübadiləsi aparıblar.

Görüşdə Azərbaycanın Rusiyadakı fövqəladə və səlahiyyətli səfiri Rəhman Mustafayev də iştirak edib.

Oxşar xəbərlər

Lavrov MDB-yə üzv ölkələrin səfirləri ilə görüş keçirib

Lavrov ərəb ölkələrinin Moskvadakı səfirləri ilə görüşüb, Yaxın Şərqdəki vəziyyət müzakirə olunub

Sergey Lavrov Xəzəryanı dövlətlərin səfirləri ilə görüşüb

Rusiya və Çin XİN başçıları Moskvada danışıqlar aparıb

Lavrov: Hindistan və Braziliya BMT TŞ-yə daxil ola bilər