2006-cı ildə Ermənistanın o vaxtkı müdafiə naziri Serj Sarkisyanla bağlı torpaq alqı-satqısı sövdələşməsi üzrə təxminən 205 min ABŞ dolları dəyərində vəsait dövlətin xeyrinə müsadirə olunacaq.

Bu barədə Ermənistan mediası Baş Prokurorluğa istinadən məlumat yayıb.

Məlumata görə, məsələ ilə bağlı Antikorrupsiya Məhkəməsi fevralın 27-də Dövlət maraqlarının müdafiəsi departamentinin növbəti vəsatətini təmin edib.

Məhkəmə 2006-cı ilin mart ayının 3-də Serj Sarkisyanla bir qapalı səhmdar cəmiyyəti arasında imzalanmış və İrəvanda yerləşən 0,17 hektarlıq torpaq sahəsinin alqı-satqı müqaviləsini etibarsız hesab edib.

Qərara əsasən, həmin torpaq sahəsinin qaytarılması mümkün olmadığı üçün onun dəyəri — 78,86 milyon dram (təxminən 205 min dollar) — şirkətdən dövlətin xeyrinə tutulacaq.

Oxşar xəbərlər

Serj Sarkisyan haqqında bəraət hökmü ləğv edilib

Serj Sarkisyana qarşı cinayət işi Çin səfirliyinə torpaq satışı ilə bağlıdır

Ermənistan Baş Prokurorluğu Koçaryan və ailəsinin əmlakının müsadirəsini tələb edir

Serj Sarqsyan və kürəkəni 3 milyon dollar rüşvət almaqda ittiham olunur