Ukrayna Krımda Rusiyanın yanacaq və yağ daşıyan qatarına hücum edib

Ukrayna Krımda yanacaq və yağ daşıyan yük qatarına hücum edib.

APA “UNİAN” a istinadən xəbər verir ki, bu barədə Ukrayna Xüsusi Əməliyyat Qüvvələri məlumat yayıb.

“Müvəqqəti işğal altında olan Krımdakı logistikası dayandırılıb. Ukrayna Silahlı Qüvvələrinin xüsusi əməliyyat qüvvələri bu hücumu Cankoy dəmiryolu stansiyaı yaxınlığında həyata keçirib”- məlumatda qeyd olunub.

Bildirilib ki, Ukrayna ordusunun xüsusi əməliyyatları Rusiya qoşunlarının cənub cinahına təminat göndərilməsini çətinləşdirib.