Ermənistan Baş naziri Nikol Paşinyan Ruben Vardanyanla bağlı məktubun ABŞ Prezidenti Donald Trampa göndərilməsini rədd etməsinə dair mətbuatda yayılan məlumatlara münasibət bildirməyib.

APA “Armenia Today”a istinadən xəbər verir ki, o, bugünkü mətbuat konfransında söhbətin nədən getdiyini bilmədiyini deyib.

Qeyd edək ki, “Hraparak” yazıb ki, Nikol Paşinyan Ruben Vardanyanın ailəsinin onun azadlığa buraxılmasına dəstək göstərilməsi üçün ABŞ Prezidenti Donald Trampa müraciət etməklə bağlı xahişini rədd edib.

Nəşrin xəbərinə görə, ABŞ-da yaşayan erməni diasporunun bəzi nümayəndələri Trampın qızının həyat yoldaşına müraciət edərək, ondan Ağ Ev rəhbərinin bu məsələyə qarışmasına dəstək göstərməyi istəyib.

Məlumata görə, Tramp yalnız rəsmi İrəvanın müraciəti əsasında bu addımı atacağını söyləyib. Ermənistanın ABŞ-dakı səfiri Lilit Manukyants müraciəti Nikol Paşinyana çatdırsa da, rədd cavabı alıb. Bu mövqe belə bir müraciətin Azərbaycanla sülh müqaviləsinin imzalanmasına xələl gətirə biləcəyi ilə əsaslandırılıb.

Oxşar xəbərlər

“Hraparak”: Paşinyan Vardanyanla bağlı məktubun Trampa göndərilməsini rədd edib

Paşinyan Parisdə Makronla görüşüb

Paşinyan Qarabağ hərəkatını Ermənistanın dövlətçiliyinə təhlükə adlandırıb

Paşinyan: Ermənistan qonşularının suveren ərazilərini tanıyır

Paşinyan: Ermənistan Türkiyə ilə münasibətlər qurmalı, quru sərhədləri açılmalıdır