Rusiyada miqrantların yaşadıqları yerdə qeydiyyatı üçün rüsum tətbiq edilə bilər.

APA-nın Moskva müxbiri xəbər verir ki, Rusiya hökuməti Dövlət Dumasına miqrantların yaşadıqları yerdə qeydiyyata alınması üçün rüsumun tətbiqini nəzərdə tutan qanun layihəsi təqdim edib.

Qanun layihəsinə görə, xarici vətəndaşların yaşayış yerində qeydiyyatı üçün 500 rubl, habelə müvəqqəti qalma müddətinin uzadılması üçün 1 min rubl məbləğində rüsum tətbiq edilməsi təklif olunur. Bundan əlavə, işləmək icazəsi olan patentin verilməsi və ya yenidən rəsmiləşdirilməsi üçün 4,2 min rubl məbləğində rüsum da müəyyən edilir. İş icazəsinin müddətinin uzadılması üçün miqrantlar 4,2 min rubl, dublikatın verilməsi və ya icazəyə düzəlişlər edilməsi üçün isə 2,1 min rubl ödəməli olacaqlar.

Qanunun qəbul ediləcəyi təqdirdə, 2025-ci il sentyabrın 1-dən, lakin rəsmi dərc edildiyi tarixdən bir aydan tez olmayaraq qüvvəyə minəcəyi güman edilir.

Oxşar xəbərlər

Rusiyada nikah yolu ilə yaşamaq icazəsi almaq çətinləşdirilib

Rusiyada qanunsuz miqrantların reyestrinə indiyədək düşən əcnəbilərin sayı açıqlanıb

Rusiyada qanunu pozan miqrantların reyestri yaradılıb

Yüksəkixtisaslı miqrantlar üçün yeni güzəştlər müəyyənləşir

Yüksək ixtisaslı miqrantlar üçün yeni güzəştlər müəyyənləşir